Урин дулаан орсонтой холбогдуулан Түшиг сумын ИТХ-ын зүгээс байгаль дэлхийгээ хайрлах, цэвэр цэмцгэр орчин бүрдүүлэх зөв дадал бий болгох зорилгоор  05 дугаар сарыг “ХОГГҮЙ”  “НОГООН” сар болгох уриалга гаргаж байна.

Энэхүү уриалгын хүрээнд албан байгууллага, айл өрх, иргэд, хүүхдүүдийг зөв хандлага, сэтгэлгээтэй болгон төлөвшүүлэх, ногоон байгууламжийн хэмжээг нэмэгдүүлэх, арчлан хамгаалах, хог хаягдлаас хүний эрүүл мэнд, байгаль орчинд үзүүлэх сөрөг нөлөөллийг бууруулах, байгууллагын нийгмийн хариуцлагыг нэмэгдүүлэх зорилготой юм.

Сумын хэмжээнд үйл ажиллагаа явуулж буй төрийн байгууллага, аж ахуйн нэгж, айл өрх, иргэд хөдөлмөрчдийг өөрсдийн ажлын байр, гэр сууцныхаа гадна талын хашааг сэргээн засварлах, гадна гэрэл, гадна хана, цонх, туг, далбааг угааж өнгө үзэмжийг сэргээх, хоггүй цэвэр байлгахыг уриалж байна.